Siglir tar il cuntegn

Grischun Central Colonnas sin il Piz Beverin?

Il Piz Beverin è in dals pli marcants pizs dal Grischun. Surtut la fin d’emna da bell'aura hai adina blera glieud sin il Piz Beverin. Il Radio Rumantsch vul savair: Co è quai durant l’emna, cura che blers chantuns han gia cumenzà cun la scola?

Il Piz Beverin.
Legenda: Il Piz Beverin. RTR, F. Belotti

En il decurs da la damaun è il reporter Federico Belotti adina puspè da sentir en il Radio Rumantsch, nua ch’el rapporta da sia viandada e sias aventuras. Il Piz Beverin (2’997 meters sur mar) è cuntanschibel da la Val Schons e dal Pass da Tavellas (Glaspass).

Arrivà è Federico Belotti dentant cun duas uras retard. Da stgir è el numnadamain chaminà in pau fallà ed ha uschia fatg in pli lung viadi che quai ch’i era quintà. Durant l’emna na sajan era betg uschè blera glieud sin via sin il piz sco las fins d’emna. Uschia ha Federico Belotti dumbrà var 30 persunas sin il piz.


Ord l'archiv

RR actualitad 08:00

Piz Beverin

  • Il Piz Beverin è 2’997 meters sur mar
  • Cunfin natiral è tranter las vischnancas Tschappina e Maton
  • Il num Beverin deriva da «bovarinum» u latin «bos» che munta bov: ins pudess era numnar el «piz bov»
  • El vegn usualmain chaminà dal Tavellas, da Maton u da Casti-Vargistagn