L'accident è succedì sur Beiva a Mott. Ina gruppa da tschintg motociclists charrava da Silvaplana en direcziun Beiva. Per motivs anc nunenconuschents è il motociclist che charrava ordavant vegnì sin il vial oppost. Là è el collidà frontal cun in auto da persunas che vegniva encunter. Entras la vehemenza da la collisiun è la moto vegnida stgarpada dapart.
La Rega ha sgulà il motociclist grev blessà en l'ospital chantunal a Cuira. L'automobilist è vegnì transportà cun levas blessuras en l'ospital a Savognin. La via dal pass dal Güglia è stada serrada per tut il traffic durant in'ura e mesa. L'andament da l'accident vegn intercurì.
RR novitads 18:00