Grischun Central - Collisiun d'autos en tunnel sin A13
Venderdi suentermezdi èn trais vehichels collidads en il tunnel Cassanawald, sin l'A13 tranter Nufenen e Valragn. Tar l'accident èn tschintg persunas vegnidas blessadas, duas dad ellas grevamain.
La Rega ha sgulà las persunas blessadas en l'ospital chantunal a Cuira ed en l'ospital da Tusaun. Sco la Polizia chantunala ha communitgà, saja in automobilist en direcziun Nufenen arrivà sin il vial oppost e collidà cun dus autos che vegnivan encunter correctamain.
Pervi da l'accident è il tunnel Cassanawald restà serrà per pliras uras en omaduas direcziun. Il traffic è vegnì svià.