La vischnanca da Surses ha armonisà las leschas da charrar sin vias da guaud, quai suenter che la val ha fusiunà avant tschintg onns. Da sia radunanza communala ha il suveran decis cleramain da midar la lescha necessaria. Cun quella midada vegnian concedidas maximalmain trais lubientschas ch’èn tuttas trais transferiblas. Da principi vala sin las vias da guaud in scumond da traffic general. Ultra da quai han ils da Surses er approvà dus credits d’impegn, in sur 400'000 ed in sur 760'000 francs.
Regulaziuns vegnan tractadas en reglament separà
In punct da dispita enfin ussa eran las regulaziuns, respectivamain il scumond per schlieusas a motor. Quel reglament vegn tractà pli tard en in reglament separà.
Scumond da traffic general
Da principi vala sin las vias da guaud in scumond da traffic general. Excepziuns èn prevesidas per las vias da colliaziun Salouf – Parsonz, Riom – Savognin, Parsonz – Val Nandro enfin il parcadi a Radons e la via da Sur – Alp Flex enfin parcadi Vanastg. Per autras vias vala in scumond, cun ina lubientscha dastgan las vias dentant vegnir duvradas.