Grischun Central - Clemens Poltera presidiescha cumin baselgia Surses
Clemens Poltera da Rona è vegnì elegì sco president dal cumin baselgia fusiunà da Surses. Plinavant haja la radunanza constitutiva relaschà la constituziun, la lescha da taglia ed il reglament d’indemnisaziun, scriva il cumin baselgia en ina communicaziun.
En la suprastanza èn plinavant vegnids elegids Franziska Demarmels da Salouf, Roger Demarmels da Riom e Maria Pia Signorell da Sur. En la cumissiun da gestiun èn vegnids elegids Franz Carisch da Riom, Giatgen Jegher da Mulegns e Theres Sonder da Salouf. Vid al cumin baselgia da Surses sa participeschan tut las vischnancas dal Surses cun exepziun da Savognin.
