Cun quai è la purschida da la claustra da Cazas d'alloschar e tgirar requirents d'asil e fugitivs minorens betg accumpagnads, reglada era legalmain. Sco quai che la manadra da l'uffizi social chantunal Susanna Gadient ha ditg sin dumonda na sa midia nagut tar la purschida da la claustra. La claustra dominicana da Cazas porscha alloschi a dunnas giuvnas. Tenor il nov mandat da prestaziun po la claustra prender si 5 fin 10 dunnas.
Custs da 630'000 francs
Tut en tut èsi da far quint cun custs annuals da fin a 630’000 francs. Durant la fasa transitorica, fin ch'igl è avant maun ina lescha cun ina regulaziun definitiva davart la repartiziun dals custs sin tut las vischnancas grischunas, vegnan quests custs cuvrids sur ina part da la pauschala globala existenta da la Confederaziun per fugitivs senza activitad da gudogn.
RR novitads 10:00