Siglir tar il cuntegn

Header

cuntegn

Grischun Central Chaschiel da Savognin è bainbaud istorgia

Sco quai che la Bergsenn SA scriva en ina brev ch’è avant maun ad RTR, èsi pussaivel da cumprar il chaschiel da muntogna da Savognin anc circa enfin il cumenzament da la stad 2017. La chascharia serra la fin da l’onn e la butia da chaschiel serra gia la fin d’october.

La butia da chaschiel a Savognin vegnia serrada gia la fin d’october 2016, quai ord motivs da persunal, stat scrit en la brev. Il maina fatschenta da la Bergsenn SA, Marcel Singer, na vuleva betg pigliar posiziun en chaussa il mument.

audio
Mezdi: Bler è intschert tar la chascharia a Savognin
ord Actualitad dals 21.09.2016.
laschar ir. Durada: 1 minuta 30 Secundas.

Ils purs da la Cooperativa chascharia Savognin e conturn han gia suttascrit in contract cun la Bergsenn SA: A partir da l’auter onn va tut il latg a Mustèr, nua ch’el vegn elavurà da la Sennaria Surselva SA. Actualmain èn ils purs vi dal sclerir il futur da la chascharia ed ina successiun per la butia da chaschiel.

RR actualitad mezdi 11:00

Artitgels legids il pli savens