Grischun Central - Center Meiersboden sa retardescha
Il center d'asil Meiersboden dasper Cuira sa retardescha vinavant. Cunter la lubientscha da bajegiar da la vischnanca da Churwalden èsi danovamain vegnì fatg recurs. Quai ha confermà il schef da l'uffizi chantunal da construcziun auta envers la «Südostschweiz».
In abitant haja tratg enavant il cas tar la proxima instanza, la dretgira administrativa dal Grischun. Sco raschun principala numna quel vinavant ch'il center d'asil na saja betg bain accessibel. Suenter dus onns retard aveva il chantun previs da cumenzar questa primavaira cun las lavurs.
