Siglir tar il cuntegn
cuntegn

Grischun Central Center da Sanadad Savognin ha nov manader tecnic

Orlando Caspar è vegnì elegì sco manader dal servetsch tecnic dal Center da Sanadad Savognin SA. Quai scriva la direcziun da l’ospital e la chasa d’attempads en ina communicaziun a las medias.

Orlando Caspar.
Legenda: Orlando Caspar, il nov manader tecnic. mad

Orlando Caspar ha in’occupaziun da 100%, el entra en uffizi l’emprim da settember da quest onn. El remplazza Giatgen Mitgel Guetg che va en pensiun la fin da l’onn. Orlando Caspar viva a Savognin e lavura il mument sco schefmontader d’ina firma d’electricitad a Lai. L’um da 32 onns è era instructur dals pumpiers ed è il cumandant dal corp da pumpiers da Surses.