Center da Capricorns cun adina dapli svieuta

L’onn 2011 ha il Center da Capricorns a Vargistagn renovà festivà sia reavertura. Dapi lura è la svieuta s’augmentada adina dapli. Uschia è la svieuta da l’ustaria e dal hotel s’augmentada da 590’000 francs il 2011 sin 955’000 francs il 2016.

Da san: S. Forster ZHAW, T. Rönisch schefcuschinier, B. Gätzi mainafatschenta hotel, H. Hassler president fundaziun.

Legenda da maletgs: Da san: S. Forster ZHAW, T. Rönisch schefcuschinier, B. Gätzi mainafatschenta hotel, H. Hassler president fundaziun. RTR, F. Belotti

Sco quai che Hansjörg Hassler, il president da la fundaziun Capricorn e Parc Natiral Beverin ha ditg ad ina infurmaziun per las medias il glindesdi saira, quint'ins da bainprest pudair cuntanscher ina svieuta dad in milliun francs. La raschun per quest success maina Hansjörg Hassler tranter auter enavos sin ina qualitad constanta, bunas cooperaziuns ed ils impuls dal maun public.

La fundaziun Capricorn vesa in grond potenzial en il territori rural, ed uschia saja quel pli resistent a la crisa ch’auters lieus da turissem classics. Uschia haja ins era betg s’accurschì uschè ferm la crisa da l’euro. En il Center da Capricorns lavuran radund 20 persunas. Il hotel collavura cun la gruppa da perscrutaziun ZHAW dal chantun Turitg, e cun il Parc Natiral Beverin.


Or da l'archiv

Laschar ir video «10 onns Center da capricorns a Vargistagn»

10 onns Center da capricorns a Vargistagn

2:21 min, Telesguard dals 23.5.2014

Accdents dals 05.11.2003