Siglir tar il cuntegn

Header

Navigaziun

Legenda: Tadlar il audio Intervista cun Clemens Poltera, president dal Center da sanadad Savognin.. Durada 03:06 minutas.
Or da Actualitad dals 13.12.2016.
cuntegn

Grischun Central Campagna da l'ospital Tusaun dat da discutar ad Alvra e Savognin

La vischnanca Albula/Alvra vul en l'avegnir appartegnair a la regiun d'ospitals da Tusaun. La radunanza communala ha decidi cun 111 vuschs per Tusaun. 69 vuschs èn idas a favur da la regiun d'ospitals Surses cun il Center da sanadad Savognin SA.

La vischnanca Alvra vul en l'avegnir appartegnair a la regiun d'ospitals Tusaun.
Legenda: La vischnanca Alvra vul en l'avegnir appartegnair a la regiun d'ospitals Tusaun. Grafica RTR

Plinavant ha la radunanza communala decidì da mantegnair il lieu da la scola primara rumantscha a Lantsch. La scola resta uschia era en l'avegnir ordaifer il territori da la vischnanca Albula/Alvra.

Approvà preventiv dal 2017

Il preventiv prevesa expensas da passa 13,6 milliuns francs tar in surpli d'entradas da bun 200'000 francs. Il cashflow munta a passa 700'000 francs.

Il preventiv d'investiziun dal 2017 quinta cun investiziuns bruttas da 3,5 milliuns francs. Il pe da taglia resta era l'auter onn sin 100% da la taglia chantunala simpla. La quota da persunas estras che pon cumprar immobiglias resta sin 100%.

Cumparegliaziun ospitals da Tusaun e Savognin


ospital Savognin
ospital Tusaun
persunal
81,5 plazzas da 100% sin 125 persunas
131,1 plazzas da 100% sin 179 persunas
# letgs
19 letgs
43 letgs
pazients l'onn 2015
589 pazients staziunars
1'883 pazients staziunars
bilantscha fin 2015
14'856'184 francs
20'719'267 francs

RR novitads 06:00 / RR actualitad 12:00