Siglir tar il cuntegn
cuntegn

Grischun Central Caminada segund meglier cuschinier da l’Europa

Il chastè da Schauenstein dal cuschinier Andreas Caminada a Farschno/Fürstenau è il segund meglier restaurant da l'Europa. Quai resorta da la rangaziun dal portal american «Opinionated About Dining» che valitescha restaurants.

Andreas Caminada avant ses restaurant a Farschno
Legenda: Andreas Caminada avant ses restaurant a Farschno. Keystone

Mo in restaurant a Paris, «L'Arpège» d’Alain Passard, han ils experts dal portal american valità era quest onn sco meglier ch’il «Schauenstein». «L'Arpège» ch’aveva gia gudagnà l’onn passà. Ed il chasté da Schauenstein è il sulet restaurant svizzer che figurescha sin questa glista.

A la festa da premiaziun han diesch dals cuschiniers undrads preschentà tratgas da lur uffanza. Andreas Caminada ha cuschinà capuns cun salsiz, pizzoccheri e maluns cun buglia da maila.

Il sistem da valitaziun «Opinionated About Dining» sa basa sin ils avis da passa 5’000 giasts registrads e bloggers da mangiar da l'entir mund.

RR novitads 11:00