Bun, ma futur fa quitads - Bivio ha per part anc hotels plains
Il hotel Post, che vegn manà ensemen cun la Chasa Lanz, ha il mument anc chasa plaina. Tut ils 90 letgs sajan occupads, ha ditg Martina Lanz, patruna dal hotel. Per il proxim temp haja quai dà diversas annullaziuns da singuls e da gruppas, quai pervi da la tema en connex cun il coronavirus.
Legenda:
Anc è il hotel Post a Bivio plain.
RTR, Federico Belotti
2 / 4
Legenda:
Il hotel Grischuna è il mument anc avert, ponderescha dentant da serrar sch'i marscha pauc.
RTR, Federico Belotti
3 / 4
Legenda:
Il hotel Guidon ha tschintg chombras per pernottar.
RTR, Federico Belotti
4 / 4
Legenda:
Il hotel Solaria a Bivio ha il mument anc giasts.
RTR, Federico Belotti
Betg occupà è il mument l'hotel Grischuna da Bivio. L’hotel haja pli paucs giasts che uschiglio da quest temp, uschia ch’ins pondereschia da serrar il hotel per dus emnas enfin Pasca, perquai ch’i marschia memia pauc. Diversas gruppas hajan annullà lur vacanzas, ha ditg Robert Ribara che lavura sco camarier per l’hotel.
Era annullaziuns ha gì il hotel Guidon, di Nadina Ponski che lavura al retschaviment. Ma cun quai ch’els hajan mo tschintg letgs sajan quellas annullaziuns da supportar per l'hotel. Diversas annullaziuns haja quai dà, cura ch’i saja vegnì enconuschent ch’il maraton da skis da las dunnas ed il maraton crodan ora. Las trais abitaziuns da vacanzas ch’il hotel administrescha era, sajan però tuttas occupadas il mument.
audio
Corona: Bivio e la situaziun actuala da la hotellaria
02:32 min, ord Actualitad dals 13.03.2020.
laschar ir. Durada: 2 minutas 32 Secundas.
Tut en tut han tuts trais hotels che RTR ha dumandà, gì in bun enfin fitg bun enviern. Ils quitads da quai che curra e passa en connex cun il coronavirus èn tar tuts dentant fitg gronds.
