Grischun Central - Bun enviern per scarsolera Preda-Bravuogn malgrà bler favugn
La via da scarsolar da Preda a Bravuogn ha enfin uss gì bun success. Sco quai che Marc-Andrea Barandun, il directur da Bravuogn-Filisur Turissem ha ditg, hajan frequentà tranter Nadal e Bumaun 15% dapli persunas che l’onn avant la via da scarsolar, il schaner ins haja perfin nudà in plus da 30%.
Legenda:
Malgrà las temperaturas chaudas n'è il chastè da glatsch betg anc luà.
RTR, Federico Belotti
2 / 12
Legenda:
Questa gruppa ha gì grond plaschair da mangiar il fondue en il Quadrin.
RTR, Federico Belotti
3 / 12
Legenda:
Il Kurhaus da Bravuogn maina la restauraziun.
RTR, Federico Belotti
4 / 12
Legenda:
La restauraziun ha lieu en quest Quadrin da la firma Uffer da Savognin.
RTR, Federico Belotti
5 / 12
Legenda:
En il Quadrin pon ins magliar fondue ed autras spaisas pitschnas.
RTR, Federico Belotti
6 / 12
Legenda:
Philip Erber lavura en il Quadrin tranter Preda e Bravuogn.
RTR, Federico Belotti
7 / 12
Legenda:
Qua vegn preparà il fondue a discretion.
RTR, Federico Belotti
8 / 12
Legenda:
Il parcadi per las scarsolas tar il chastè da glatsch.
RTR, Federico Belotti
9 / 12
Legenda:
Sin questa punt a Preda cumenza l'aventura da scarsolar.
RTR, Federico Belotti
10 / 12
Legenda:
Hans-Andrea Barandun, il directur da Bravuogn-Filisur Turissem en acziun.
RTR, Federico Belotti
11 / 12
Legenda:
Hans-Andrea Barandun, il directur da Bravuogn-Filisur Turissem davant il chastè da glatsch.
RTR, Federico Belotti
12 / 12
Legenda:
Hans-Andrea Barandun, il directur da Bravuogn-Filisur Turissem davant il chastè da glatsch.
RTR, Federico Belotti
In dals megliers dis da l’enviern saja stà il 29 da december nua ch’ins haja dumbrà dapli che 3000 scarsoladras e scarsoladers. Malgrà blers dis chauds durant l’enviern ins haja mo gì da serrar in di la via da scarsolar, e quai pervi da privel da lavinas, ha ditg Marc-Andrea Barandun. Las cifras dal favrer n’èn betg anc vegnidas examinadas.
audio
Preda-Bravuogn: Bilantscha scursalar e chasti da glatsch
02:46 min, ord Actualitad dals 25.02.2020.
laschar ir. Durada: 2 minutas 46 Secundas.
Nov chastè da glatsch attira blera glieud
In grond success saja era stà il nov chastè da glatsch sin mesa via tranter Preda e Bravuogn. Quest chastè da glatsch ha differentas turs ed ha in’autezza da circa 10 meters. En il Quadrin sut in viaduct da la Viafier retica nua ch’ins po mangiar fondue e baiver insatge datti plaz per radund 30 persunas. Ins saja fitg cuntent cun las frequenzas, ha ditg il directur da Bravuogn-Filisur Turissem. Sch’ins chattia era l’auter onn puspè avunda sponsurs, alura saja l’idea da cuntinuar era il 2021 cun il chastè da glatsch.
