Siglir tar il cuntegn

Grischun Central Bogn Alvagni reducescha chapital d’aczias per 95%

La radunanza generala dal Bogn Alvagni SA ha decidì il venderdi saira da reducir la valur per aczia da 500 sin 25 francs. Plinavant vegn la Christoffel Holding SA a desister sin in emprest da 490'000 francs.

Il bogn ad Alvagni da dadens.
Legenda: Il bogn ad Alvagni ch'exista dapi 14 onns, ha gia gì meglier temps finanzials. mad

Ils acziunaris vertents han ussa la pussaivladad da cumprar novas aczias. En tut duai il chapital d’aczias vegnir augmentà per radund 700'000 francs. Cun questas mesiras spera il bogn da pudair surmuntar la crisa actuala: Las entradas en il bogn èn sa sminuidas onn per onn dapli. L’onn passà ha il bogn registrà 43'320 visitaders, l’onn 2008 eran quai anc prest dubel uschè blers.