Bleras reelecziuns en vischnanca d'Avras

Toni Höllrigl, Kurt Veraguth e Heinrich Jäger èn vegnids reelegids sco suprastants da la vischnanca dad Avras per la perioda d'uffizi dal prim d'avrigl 2016 fin ils 31 da mars 2018.

La vopna da la vischnanca d'Avras.

Legenda da maletgs: La vopna da la vischnanca d'Avras. RTR Grafica

Er per divers auters uffizis èn vegnids confermads ils uffizials vertents. Uschia resta Luzi Stoffel vinavant en la cumissiun da construcziun. Maria Knaus resta presidenta dal cussegl da scola, ensemen cun las cusseglieras da scola Therese Menn, Nicole Soares e Claudia Kunfermann. Qua munta la perioda d’uffizi dal prim d’avrigl 2016 fin ils 31 da mars 2020.

Plinavant ha la radunanza communala da la gievgia saira renvià ina servitut persunala areguard l'ovra electrica cun aua da baiver.

RR novitads 06:00