Siglir tar il cuntegn

Header

audio
Bunura: Biodiversitad – Permacultura a Tusaun
Or da Actualitad dals 07.08.2019.
laschar ir. Durada: 02:54 minutas.
cuntegn

Biodiversitad Iert da permacultura a Tusaun flurescha

Bun 300 diversas flurs, plantas ed ervas creschan il mument en l’iert da permacultura da Karin Roth a Tusaun. Tgi che vul far in iert da permacultura, sto resguardar 12 reglas.

Las reglas pretendan tranter auter ch’ins observa ed interagescha. Rument na duai betg vegnir producì ed energia sco aua duess vegnir salvada. Tant sco pussaivel duess la natira vegnir surlaschada a sasezza e la biodiversitad duess esser gronda. L’ortulana dal «Nollagarten» a Tusaun di:

Jau guard da nizzegiar las resursas al lieu uschè bain sco pussaivel, uschia ch’i dat per ils umans ed ils animals ina buna armonia
Autur: Karin RothOrtulana dal «Nollagarten»

L’iert da permacultura a Tusaun po vegnir visità mintgamai la gievgia suentermezdi e l’emprima sonda en damaun dal mais.

RR actualitad 07:15