Bellaluna Filisur - L’anteriura ustaria è vegnida vendida - Novitads

Bellaluna Filisur L’anteriura ustaria è vegnida vendida

L’anteriura ustaria Bellaluna a Filisur è vegnida vendida. La Banca CIC cun sedia a Basilea ch’aveva ingiantà l’immobiglia ed il funs l’onn passà tar in’aucziun da l’uffizi da concurs da Casti, ha vendì la Bellaluna ad ina persuna privata da Domat.

Autur: Federico Belotti

L’immobiglia vul il nov possessur nizzegiar sco lieu da retratga durant il temp liber, ha confermà il nov possessur envers RTR. El saja a la tschertga da quietezza, e na veglia betg vegnir disturbà. Quai demussan era las trais tavlas, che fan attent al scumond da passar la via che va vers la Bellaluna.

Ils emprims onns dal nov millenni vegniva la Bellaluna anc nizzegiada sco chasa da cultura cun concerts da musica ed openairs. Propi enconuschenta è l’ustaria Bellaluna vegnida l’onn 1988, cura che l’ustiera Paula Roth è vegnida assassinada da trais umens en questa chasa.