Siglir tar il cuntegn

Header

Navigaziun

L'auto è brischà ora dal tuttafatg.
Legenda: L'auto è brischà ora dal tuttafatg. mad
cuntegn

Grischun Central Auto brischà en il San Bernardino – nagins blessads

In auto ha brischà en il tunnel dal San Bernardino. Sco la polizia chantunala scriva n’è nagin vegnì blessà. Il tunnel è stà serrà da mezdi fin las trais suentermezdi.

Radund in kilometer suenter l'entrada dal tunnel ha l'automobilist constatà che fim vegniva sut il viertgel da l'auto ora. En consequenza dal fim è alura l’alarm automatic tar la polizia chantunala vegnì activà. Lezza ha sinaquai alarmà ils pumpiers dal San Bernardino ed ils pumpiers da la Alta Mesolcina. Tut las persunas pertutgadas han cuntanschì sezzas la galaria da segirtad. Malgrà l’engaschi svelt dals pumpiers è l’auto brischà ora dal tuttafatg.

RR novitads 18:00