Siglir tar il cuntegn
Inhalt

Grischun Central Ariane Ehrat lavura per Pendicularas Lai

Las Pendicularas Lai SA vulan sa concentrar sin la vendita e la distribuziun per uschia attrair dapli giasts. Per elavurar in concept correspundent han ellas incaricà Ariane Ehrat.

Ariane Ehrat è l'anteriura directura da Engiadina San Murezzan Turissem.
Legenda: Ariane Ehrat è l'anteriura directura da Engiadina San Murezzan Turissem. mad

Grazia a sia gronda experientscha ed era sia rait da contacts sperian els sin novs impuls per il territori da skis, communitgeschan las pendicularas. Ils ultims diesch onns han las pendicularas Lai SA investì radund 140 milliuns francs en l’infrastructura dal territori da skis. Quella fasa d'investiziun saja ussa a fin.

Sa posiziunar al martgà

Tenor il president dal cussegl d'administraziun Christoph Suenderhauf, saja perquai uss il dretg mument da cumenzar cun in nov chapitel. Numnadamain: il svilup al martgà. I stoppia gartegiar da puspè dumagnar dapli skiunz sin il culm, uschia Suenderhauf. Perquai hajan ins uss cun Ariane Ehrat clamà ina experta da turissem.

Tar ils pensums dad Ariane Ehrat tutgan tranter auter: analisar las structuras da vendita e marketing existentas. Lura er elavurar in concept da vendita e marketing cun la finamira d'augmentar las entradas primas ed il retgav da traffic per il territori Arosa / Lai.

RR novitads 10:00