Siglir tar il cuntegn

Grischun Central Anselmo Gadola ed ils craps-scalutta

La via da Sur/Sufers vegn sanada. Il trajet maina tras ina cuntrada cun gronds grips cun craps-scalutta. Quests èn vegnids salvads grazia a l'engaschament dal perscrutader laic Anselmo Gadola. E quai malgrà che sias perscrutaziuns vegnan dubitadas dal servetsch archeologic dal Grischun.

Legende: Video Anselmo Gadola ed ils craps-scalutta abspielen. Laufzeit 03:25 Minuten.
Or da Telesguard dals 22.06.2018.

Anselmo Gadola da Balamburtg/Bärenburg è persvas d’avair chattà in urden en ils segns misterius furads e gravads en craps e grippa: en ils craps-scalutta. Questas rusnas ed ils segns sajan vegnids ordinads dals umans d’antruras tenor mesiras definidas. Ina teoria ch’archeologs professiunals mettan en dumonda.

Anselmo Gadola ha ina teoria: Las rusnas en ils craps-scalutta èn vegnidas furadas e gravadas tenor mesiras neoliticas e cun in sistem definì. Per cumprovar sia teoria viagia l’archeolog laic cun lingera e crida, cun notizias ed apparats da fotografar tras l’entira Europa: en Val Schons, en Val Camonica u en l’Austria. El perscrutescha, publitgescha, maina in agen museum, fa guidas e referescha davart l’idea che las rusnas en las scaluttas sajan vegnidas integradas cun in sistem spezial e tras ils umans preistorics.

Il film pli lung «Anselmo e ses craps» da Casper Nicca mussa RTR ils 24 da zercladur 2018 a las 17:25 sin SRF 1.

RTR Telesguard 17:40