Siglir tar il cuntegn

Grischun Central Andeer ha chapientscha

Gievgia saira ha il chantun e la vischnanca d’Andeer infurmà davart ils detagls davart l’albiert temporar per 80 requirents d’asil. Igl ha dà bleras dumondas e propostas, la gronda part da la populaziun d’Andeer è però averta per il center temporar.

Legende: Video Requirents d'asil ad Andeer abspielen. Laufzeit 2:36 Minuten.
Or da Actualitad video dals 27.11.2015.

Avant in’emna ha la vischnanca d’Andeer survegnì la dumonda dal chantun, e curt suenter ha la suprastanza decidì, da metter a disposiziun l’implant da la protecziun civila:

«Ins vesa ch’il dumber da fugitivs s’augmenta ferm, il chantun è sut squitsch, ed uschia pudain nus anc far intginas pretensiuns, il chantun na po betg mo vegnir e dir nus surpigliain quest implant, els ston contractar cun nus, e quai è stà la raschun che nus avain spert acceptà la dumonda», di Hans Andrea Fontana, il president communal d’Andeer. Igl è previs, ch’ils emprims requirents d’asil vegnan ad Andeer tranter il mez da december e Nadal.