Siglir tar il cuntegn

Grischun Central Andeer cun quint positiv

La radunanza communala d’Andeer ha approvà unanimamain il quint dal 2017. Quel serra cun in gudogn da 88’972 francs. Positiv saja il quint grazia a buns tschains d’aua e dapli entradas da taglia che budgetà, hai num en ina communicaziun.

La chasa communala d'Andeer.
Legenda: La chasa communala d'Andeer. RTR, Federico Belotti

Il plus tar las entradas da taglia munta a 400’000 francs. Tar in cashflow da 948’000 francs ha la vischnanca d’Andeer investì radund 1,3 milliuns francs. Plinavant è vegnida preschentada a la radunanza communala da venderdi saira la nova chanzlista Tamara Michael. Ella succeda a Silvio Kunfermann ch’è stà blers onns chanzlist ad Andeer.