Siglir tar il cuntegn

Header

audio
Co vinavant cun il bogn ad Alvagni?
Or da Actualitad dals 06.07.2022.
laschar ir. Durada: 3 minutas 17 Secundas.
cuntegn

Alvagni Tractativas per vender bogn marschan

Sco quai che Hansjürg Christoffel da l’interpresa possessura Christoffel Holding SA ha ditg envers RTR, marschian il mument tractativas cun investiders potenzials. Ins saja il mument en il stadi inizial dals discurs. I saja tgunsch pussaivel ch’ins possia anc quest onn vegnir in pass vinavant.

Il bogn en Val d'Alvra è dapi 15 mais serrà: il motiv èn las finanzas. Il mument ha il bogn debits da 1,3 milliuns francs. La vischnanca Albula/Alvra sco pli gronda creditadra ha quints betg anc incassads dal bogn en la valur da radund 300'000 francs.

I dovra in hotel

Per puspè pudair manar cun success en l'avegnir il bogn saja impurtant da pudair realisar il project cun in nov hotel, ha ditg Hansjürg Christoffel. Detagls davart ils interessents dal bogn na vegnan il mument betg communitgads. La vischnanca Albula/Alvra beneventass sch'il bogn da Alvagni pudess vegnir reavert en l’avegnir. La populaziun stoppia però star davos in nov project sch’i avess da dar in, ha ditg Daniel Albertin il president communal.

Hansjürg Christoffel spera ch'i dettia bainprest ina soluziun per il bogn deficitar.
Legenda: Hansjürg Christoffel spera ch'i dettia bainprest ina soluziun per il bogn deficitar. Federico Belotti

RTR novitads 17:00

Artitgels legids il pli savens