Siglir tar il cuntegn

Header

cuntegn

Grischun Central Alvagni ha ina nova punt pendenta

Dumengia è vegnida inaugurada ina nova punt che traversa la Val digl Guert. La punt ha ina lunghezza da 53 meters ed è in meter largia. L'autezza maximala è 17 meters. Ils custs muntan a radund 170’000 francs. Cun bellezza aura èn bleras persunas suandadas l'invit da la vischnanca Albula/Alvra.

La punt maina da las Aclas Dafora d’Alvagni en direcziun da Brinzauls u en direcziun da l'Alp digl Guert. L’idea da construir ina punt pendenta sur l’aual digl Guert va enavos sin in’iniziativa. Il passagi sur l’aual saja pli baud adina stà fitg difficultus. La senda da viandar veglia passava la Val digl Guert pli bass che oz. E la primavaira era il passagi savens destruì.

audio
Bunura: Nova punt pendenta sur Val digl Guert è inaugurada
ord Actualitad dals 03.06.2019.
laschar ir. Durada: 3 minutas 44 Secundas.

Iniziativa da possessurs dad aclas

Possessurs dad aclas han lantschà in’iniziativa che pretenda che la vischnanca tschertgia ina nova soluziun. Tenor il president communal da la vischnanca Albula/Alvra Daniel Albertin hajan ins constatà ch'ina punt pendenta saja la meglra soluziun per in bun passagi per bikers e viandants.

RR actualitad 08:00

Artitgels legids il pli savens