Siglir tar il cuntegn

Header

audio
Chasa d’attempads Envia è plaina – la tema d'in segund lockdown è dentant qua
Or da Actualitad dals 20.11.2020.
laschar ir. Durada: 02:19 minutas.
cuntegn

Alvagni Chasa d’attempads Envia è plaina

Las 28 chombras singulas èn plainas – e quai malgrà corona. Sco quai che Patricia Rolinger, la manadra da la chasa da vegls ha ditg envers RTR, hajan il davos temp parents dad avdants adina puspè menziunà, ch’els hajan tema d’in segund lockdown.

Plinavant haja quai dà persunas ch’hajan ditg, che visitar ils parents en la chasa da vegls saja fitg impurtant, e ch’i duvrass novas soluziuns tar in eventual nov lockdown. Tscherts hajan era ditg ch’els pigliassan gugent a chasa lur parents, en il cas che contacts socials en la chasa da tgira vegnissan danovamain scumandads. Il mument lubescha la chasa d’attempads Envia mintgamai a duas persunas, da far ina visita, quai dentant be suenter avair annunzià la visita ordavant.

Patricia Rolinger maina la chasa d'attempads dad Alvagni.
Legenda: Patricia Rolinger maina la chasa d'attempads dad Alvagni. RTR, Federico Belotti

RTR actualitad 11:00

Artitgels legids il pli savens

Scrollar a sanestra Scrollar a dretga