Il Bus alpin da Sur sin l’Alp Flex cursescha quest onn per la dieschavla giada. En questa stagiun da giubileum cursescha il bus mintga fin d’emna dal zercladur cun mintgamai tschintg curs per di. Karin Hersche, suprastanta da la vischnanca da Surses è responsabla per il sectur da turissem di: «Cun quest schlargiament da la purschida reagin nus sin in giavisch ch’è adina puspè vegni menziunà, cun cumenzar pli baud la stagiun vulain nus dar la pussaivladad da giudair la primavaira era a persunas che n’èn betg uschè bain a pe, senza esser obligadas da vegnir cun l’auto». A partir dals dus da zercladur enfin ils 26 d’avust cursescha il Bus alpin sin l’Alp Flex mintga di, e davent da l’emprim da settember fin ils 21 d’october las fins d’emna. Il bus sin l’Alp Flex vegn nizzegià mintg’onn da radund 3000 persunas.
Grischun Central Alp Flex: Bus alpin cursescha pli baud che planisà
A partir da sonda proxima cursescha il Bus alpin tranter Sur e l’alp Flex durant las fins d’emna. Quai è in mais avant che la stagiun uffiziala cumenza. La vischnanca da Surses reageschia uschia sin la dumonda pli gronda durant la primavaira, scriva il Bus alpin en ina communicaziun.
Parter
Parter