Siglir tar il cuntegn

Grischun Central Agrischa cun visitaders da record

Tar bell’aura da stad, è l’Agrischa ida a fin. Radund 11'000 – 12'000 visitaders han visità l’exposiziun dals purs. Daniel Ulber, il vicepresident dal comité d’organisaziun tira ina bilantscha positiva.

Visitaders da l'Agrischa guardan ils differents stans cun rauba da mangiar e bler auter.
Legenda: Ils organisaturs èn fitg cuntents cun il dumber da visitaders. RTR, F. Belotti

Radund 500 famiglias purilas èn sa participadas vid l’exposiziun. Tenor Daniel Ulber n’haja quai dà naginas reclamaziuns pervi da l’entrada da tschintg francs per creschids, ch’è vegnida incassada per l’emprima giada. Anc n’è il budget betg fatg, ma sco quai che Daniel Ulber ha ditg sin dumonda, ins quintia cun ina nulla naira.