Siglir tar il cuntegn
Inhalt

Grischun Central Acziun per far attent sin mastergn da mecatronist da pendicularas

Trais emprendists dal terz onn d’emprendissadi sco mecatronist da pendicularas han construì ina sbalunzia or da giufs vegls, che porscha plaz ad almain duas persunas. Glindesdi han els preschentà lur lavur ch’els han fatg en il rom da lur emprendissadi.

Da sanester: Julian Cavigelli, Nino Cajochen e Curdin Meier.
Legenda: Da sanester: Julian Cavigelli, Nino Cajochen e Curdin Meier. RTR, Federico Belotti

Radund quatter dis han Julian Cavigelli (Arena Alva), Nino Cajochen (Pendicularas Mustér) e Curdin Meier (Pendicularas Lai) duvrà, per construir la sbalunzia, ch’è vegnida installada sin la terrassa da l’ustaria Scharmoin, che sa chatta tar la staziun da mez da la pendiculara dal Corn Cotschen.

Sco quai ch’ils giuvens emprendists han ditg, èn els loschs che lur lavur vegn duvrada e n'è betg ida en il fier vegl. Cun quest’acziun vulan els era far attent sin l’emprendissadi dal mecatronist da pendicularas, che n’è betg uschè enconuschent. En Svizra datti mo circa 25 plazzas d’emprendissadi per onn en questa professiun.

RR actualitad 08:00