Grischun Central - Accident mortal sin plazzal dal nov tunnel a Preda
Sin il plazzal dal nov tunnel da la Viafier Retica a Preda è capità oz en damaun in accident mortal. In um da 51 onns oriund da la Tschechia è vegnì blessà uschè ferm ch'el è anc mort al lieu.
El era ensemen cun auters lavurers sper ina tschinta da transport da betun. In camiunist ha survesì il lavurer uschia ch’il disfortunà è vegnì smatgà tranter il camiun ed in fundament da betun. Sco quai che la polizia chantunala scriva, è l'um mort malgrà ina reanimaziun immediata. La procura publica e la polizia èn vida sclerir l'accident.
