Siglir tar il cuntegn
Inhalt

Grischun Central Accident a Mon: Gronda fortuna per mamma ed uffants

Tar in manever da cruschar sin ina via da culm è la dunna charrada cun ses vehichel sur la via or.

Vehichel donnegià dal tuttafatg en la spunda.
Legenda: Il vehichel è donnegià dal tuttafatg. Polizia chantunala

La dunna da 28 onns charrava glindesdi avantmezdi cun ses vehichel sin ina via da culm en direcziun Mon. Cun cruschar cun in auto che charrava ensi è la dunna ida cun ses vehichel sur la via ora e cupitgada radund 25 meters da la spunda giuadora, uschia scriva la Polizia chantunala.

Il vehichel è cupitgà radund 25 meters da la spunda giuador.
Legenda: Il vehichel è cupitgà radund 25 meters da la spunda giuadora. Polizia chantunala

La mamma e ses trais uffants han pudì bandunar sezs lur vehichel. Els èn vegnids transportads cun ambulanzas per controlla en l'ospital.

RR novitads 09:00