A la premiera da «Herodes» sin il Güglia n'èsi betg da schelar

Questa saira è la premiera dal toc Herodes en la tur sin il Pass dal Güglia. Cun quai che tuts ston prender il traffic public, èsi garantì, che nagin stà fitgà cun ses pneus da stad sin via per cas ch’i naiva. Era in stgaudament ha la tur survegnì.

L'emprima naiv è gia arrivada sin il Pass dal Güglia, fotografia dals 06.10.2017.

Legenda da maletgs: L'emprima naiv è gia arrivada sin il Pass dal Güglia, fotografia dals 06.10.2017. RTR, Federico Belotti

Sco quai che l’intendant da Origen, Giovanni Netzer ha ditg, saja da l’entschatta davent stà cler che nagin na po vegnir cun l’auto privat sin il Pass dal Güglia. Quai saja perfin stada ina da las pretensiuns, per insumma survegnir la lubientscha da pudair concertar durant l’entir onn sin il pass dal Güglia.

Nagin sto schelar

La tur dal Pass dal Güglia ha survegnì in stgaudament. Ils tecnicists sajan ussa anc vi dad optimar quel, uschia ch’il chaud sisum possia vegnir sufflà engiu. Plinavant è la tribuna da Origen ussa daventada movibla.

RR actualitad 17:00