A Beiva pudessi vegnir stgir suenter mesanotg

La radunanza communala da Beiva decida, sche las glischs da via duessan vegnir stidadas tranter las 24:00 e las 06:00 la damaun.

A Bivio pudessi vegnir stgir la notg.

Legenda da maletgs: A Bivio pudessi vegnir stgir la notg. RTR, F. Belotti

La proposta da stizzar las glischs suenter mesanotg ha fatg Arturo Fasciati. Sustegn survegn el da la presidenta communala Ruth Giovanoli. Quant ch’ins possia spargnar cun questa mesira n’ha ella betg pudì dir. Cun questa mesira na giaja quai surtut pervi da la polluziun tras glisch, e betg per spargnar energia. Differentas persunas e hoteliers che RTR ha dumandà sin via, èn cunter l’intent da stizzar las glischs.