Siglir tar il cuntegn

Header

audio
Tes vitg – tia istorgia: Elsbeth Iseppi-Cantieni è stada 43 onns ustiera
Or da Actualitad dals 30.07.2020.
laschar ir. Durada: 3 minutas 15 Secundas.
cuntegn

43 onns ustaria a Ziràn «Gia da pitschna hai jau vulì daventar ustiera»

Gia da buoba vuleva Elsbeth daventar ustiera. E quest siemi è lura era ì en vigur. Ella ha avert ensemen cun ses um Celso il 1981 l'ustaria «Pro l'ava» a Ziràn. Avant ha ella manà la Posta Veglia, pli ensi en il vitg.

Cun raquintar da sias regurdientschas glischan ses egls, ella haja pudì passentar fitg bels muments en sia ustaria. Saja quai cun indigens u era giasts, sco p. ex. cun schuldads da l'armada ch'eran staziunads qua. Sia ustaria era il lieu da scuntrada, quai conferman a nus era auters indigens. Oz datti a Ziràn anc ina ustaria, però n'ha quella betg ina canorta.

Uss, cun 76 onns, è Elsbeth pensiunada. Dar giu l'ustaria na saja betg stà simpel per ella. I para, sco sch'ella avess anc adina da magunar in zic quest pass. Era sche quai è gia capità avant 4 onns. Ella viva en in'abitaziun sur l'ustaria veglia. Suten è ses figl, el bajegia enturn la chasa e dasperas è il grond parcadi per ils visitaders da la baselgia da S. Martin, che purtava era inqual giast ad els da lezzas uras en l'ustaria.

RTR actualitad 11:00

Artitgels legids il pli savens