Grischun Central - 24 uras al Lai Barnagn

Il ticker è a fin

• 21:51

  Ed igl è vegnì stgir al Lai Barnagn

  Engraziel fitg per Voss'attenziun ed ina bella saira. Il team dal Lai Barnagn.

  PS: Damaun datti anc in zutgerin en furma dad audio e video ...

  

  Legenda: Il Lai Barnagn curt avant las 22:00. RTR, Pietro Jacomet

• 19:33

  Perquai ch'igl è stà uschè bel ...

  anc ina giada ina runda enturn il Lai Barnagn en 1 minuta.
• 18:04

  In ultim sigl

  en l'aua fraida avant che l'urizi arrivia.
• 17:57

  120 kilos pommes frites durant in bun di

  Durant in bun di sco la dumengia passada fa Mike Gantner, il schef dal kiosk al Lai Barnagn bun 120 kilos pommes frites. Oz quinta el cun in zic plievgia dad elavurar bun 60 kilos fin la saira a las 18:00. La stagiun proxima po el lura far ils pommes frites en sia nova cuschina. Las lavurs da construcziun per il nov bajetg dal kiosk cumenzan il settember.

  

  audio

  Mike Gantner - il schef dal kiosk al Lai Barnagn

  02:11 min, ord Actualitad dals 30.07.2018. Maletg: RTR, Gion Gieri Flepp

  laschar ir. Durada: 2 minutas 11 Secundas.
• 16:30

  Gughegià il sigl en il lai

  Uss hai era tratg noss praticant sco blers auters oz en l'aua fraida, malgrà plievgia.
• 14:50

  Sascha Truninger e Gabi Kühne

  èn vegnids da Pfäfers e da Valens si al Lai Barnagn per far bogn. Quai sin cussegl da la madritscha.

  

  audio

  Sascha Truninger e Gabi Kühne

  02:48 min, ord Gratulaziuns dals 30.07.2018. Maletg: RTR, Pietro Jacomet

  laschar ir. Durada: 2 minutas 48 Secundas.
• 14:12

  Tgi dovra in tablet sch'ins ha in laptop ...

  Els tutgan tar ils megliers, ils pommes frites or da la frittera da «Mike» al kiosk dal Lai Barnagn. Nus avain en mitga cas ans laschar gustar els.

  

  Legenda: Pietro Jacomet e Rafael Müller (san.) laschan gustar ils pommes frites al Lai Barnagn. RTR, Gion Gieri Flepp

• 12:28

  Gia dapi 50 onns en vacanzas a Savognin

  Urs Mayländer è in fidaivel giast a Savognin. Gia dapi 50 onns, pia anc avant ch'i deva il Lai Barnagn, vegn Urs Mayländer stad ed enviern a Savognin en vacanzas cun sia famiglia.
• 11:52

  Enturn las 10 ...

  aveva noss reporter Rafael Müller anc ils pedalos be per el. Entant è la riva dal Lai Barnagn gia s'emplenida in pau.

  

  Legenda: Rafael Müller tut sulet sin in pedalo al Lai Barnagn. RTR, Pietro Jacomet

• 9:58

  L'emprim nudader en il Lai Barnagn

  Dario Sieber fa vacanzas a Savognin cun in champ per uffants cun impediments. El ha gughegià gia tranter las 07:00 e las 08:00 il sigl en l'aua fraida per nudar intginas rundas. La finala ha el tegnì or 45 minutas en il lai.
• 9:47

  In lai artifizial ch'è d'enviern in parcadi ...

  Quai dovra mintgamai diversas lavurs per far la midada tranter lai da far bogn e parcadi da las pendicularas. Martegn Netzer, manader dals servetschs tecnics da la vischnanca da Surses dat scleriment.
• 9:13

  Anc na marscha betg bler,

  ma enturn il Lai Barnagn è tut pront per ils giasts che vegna a sa sfradentar, star a sulegl ubain dar beachvolley.

  

  audio

  Tut è pront per ils giasts

  06:20 min, ord Actualitad dals 30.07.2018.

  laschar ir. Durada: 6 minutas 20 Secundas.
• 9:01
  

  audio

  L'atmosfera la damaun baud

  04:07 min, ord Actualitad dals 30.07.2018.

  laschar ir. Durada: 4 minutas 7 Secundas.
• 8:05

  

  Legenda: Anc èsi tut quiet al lai Barnagn. Il bogn avra a las 9:00. RTR, Pietro Jacomet

• 6:49

  

  Legenda: La damun al Lai Bargagn curt suenter las sis. RTR, Pietro Jacomet