Siglir tar il cuntegn

Header

cuntegn

Grischun Central 2 blessads tar collisiuns en il tunnel Isla Bella

Pervi d'in defect vi dal turbo d'in camiun cun char annex hai dà gievgia avantmezdi ina collisiun tranter plirs vehichels en il tunnel Isla Bella da l'autostrada A13. 1 persuna è lev blessada.

Il camiun che charrava en direcziun sid ha pudì guntgir en ina nischa dal tunnel, cura ch'el ha percurschì il defect. Pervi dal ferm fim haja in camiunist cun char annex, che vegneva encunter, piglià temà e frenà andetgamain. Sco quai che la polizia chantunala scriva, hajan 2 autos che suandavan percurschì quai memia tard e sajan era collidads.

auto demolì total chargià sin il camiun per al transportar davent
Legenda: Per part han èn ils vechichels stads destruids totalmain. mad/Pocha

2 persunas èn vegnidas blessadas levamain. Pervi da l'accident è il tunnel Isla Bella stà serrà durant 2 uras. Sin la via chantunala hai perquai dà lungas colonnas.

RR novitads 16:00

Artitgels legids il pli savens