Siglir tar il cuntegn

Grischun Central 1,5 meters naiv sin ils trassés dals velos da muntogna da Lai

Il bikepark sco era las vias da viandar Scharmoin e Heidbüel a Lai na san betg vegnir avertas sco planisà gia ils 10 da matg.

Per questa raschun restan era serradas las pendicularas da Rothorn 1 e la pendiculara Heidbüel. Sin ils trassés d'ir cun velo da muntogna e las vias da viandar hai per part anc navadas, communitgeschan las pendicularas da Lai. Las parts sut dal Bikepark ch'èn senza naiv vegnan ussa preparadas per l'avertura da la stagiun da stad. Il parc na po dentant betg avrir mo cun la part sut. Ils trassés èn adina cumbinaziuns che dovran era las parts sura.

La fin d'emna da Tschuncaisma il 19-21 da matg duain ins pudair cumenzar la stagiun da stad. Il directur da las pendicularas da Lai, Peter Engler, spera che l'aura e las temperaturas dals proxims dis vegnian a pussibilitar quests plans.

RR novitads 18:00