Siglir tar il cuntegn
Inhalt

Grischun Gratin per las soras e pesch per ils giasts

A chaschun dal giubileum da 100 onns cantinas en Svizra fa RTR ina visita en la cantina da la claustra dominicana a Cazas. Cuschinà na vegn betg be per las soras, ma era per giasts.

Dapi set onns è Toni Darms schefcuschinier da la cantina. Avant ha el manà il Hotel Rätia a Glion sco era la Stiva Veglia a Schnaus. Il schlet renum da la maglia da cantinas n'è tenor el betg legitim.

En las cantinas vegn per il solit cuschinà tut da frestg, fertant ch'i vegn preparà tut ordavant en las ustarias.
Autur: Toni Darmsschefcuschinier

Il grev da cuschinar en claustra saja, ch'ins na possia betg simplamain cumprar ton sc'ins dovria u dar enavos. La claustra s'alimenteschia numnadamain da l'atgna producziun cun l'agen bain puril. En general saja pli interessant da cuschinar en ustarias, damai ch' ei saja pli variant. «Cura ch' ins ha allura passentà intgins onns e questas cuschinas sco jau era, è la lavur en cantina ina buna varianta.» En la cuschina d' ina cantina manchia numnadamain la hectica ch' ins saja disads da las ustarias.

Venderdi na datti nagina charn

En la cantina da las soras datti il venderdi nagina charn. Per las soras datti perquai in gratin cun paun, tomata ed ovs. Per ils giasts prepara il cuschinier in filet da sander. Gentà na vegn betg punct las dudesch, mabain in quart ura pli tard. Avant mangiar vegn numnadamain anc fatg uraziun. «La cantina è in lieu nua che nus soras s' entupain e pudain discurrer da nos gì u tadlar radio», quinta sora Ancilla ch' è gia dapi 56 onns en claustra. Il cuschinar na manchia betg ad ella ed ella gaudia da simplamain puder seser neu e laschar servir.

RR actualitad 11:00