Siglir tar il cuntegn
Inhalt

Grischun Glisch verda per il plan d’areal Cuira vest

La regenza grischuna ha approvà il plan d'areal «Cuira vest» cun la resalva da suspender la procedura d'approvaziun concernent l’«areal da traffic bus».

Il plan d'areal a Cuira vest.
Legenda: Il plan d'areal a Cuira vest. MAD

Cunter ils plans dad extender il vial dal bus era vegnì fatg recurs tar la regenza. Per tractar quest recurs dovri anc intgin temp. Perquai è la regenza da l'avis ch'i na saja betg responsabel da retardar l'entir project pervi da l'areal da bus dispitaivel ed ha perquai approvà il plan d'areal Cuira vest cun la resalva numnada. L’areal da bus è vegnì fixà per lung da la Kasernenstrasse da la citad ora tranter las rundellas Ringstrasse e Comercialstrasse.

Meglra coordinaziun

Entras la construcziun dals sgrattatschiels dal «City West» ed auters bajetgs è il basegn creschì da megliurar las cundiziuns generalas en connex cun la planisaziun dal territori. Perquai è vegnì elavurà il plan d'areal che serva en l'avegnir sco instrument da coordinaziun per l'ulteriura planisaziun.

RR novitads 09:00