Siglir tar il cuntegn

Header

Navigaziun

Legenda: Guardar il video Gion Antoni Derungs – premi per procurar ina survista da sias ovras. Durada 02:18 minutas.
Or da Telesguard dals 11.01.2017.
cuntegn

Grischun Gion Antoni Derungs sin 120 paginas

La fundaziun «Gion Antoni Derungs» ha dà al musicolog Thomas Järmann in premi da renconuschientscha. Els ha sa fatschentà plirs mais cun las ovras dal cumponist sursilvan Gion Antoni Derungs e creà in register d'ovras. Quel n'è betg mo in grond agid per la fundaziun.

Dirigents, musicologs, criticers da musica u simplamain quels, ch' èn interessads, survegnan cun il nov register d'ovras ina buna survista sur da la lavur variada da Gion Antoni Derungs.

Il register cuntegna 2 dossiers da mintgamai stgars 60 paginas. En quels èn tut las radund 800 ovras cataloghisadas. En differentas categorias parti si, sa chatta en ils dossiers però be infurmaziuns, naginas notas.

Gion Antoni Derungs per tuts

La fundaziun «Gion Antoni Derungs» ha cun quest register in bun punct da partenza per lur mira. Els vulan far accessibel tut las ovras dal cumponist. Ina collecziun da chanzuns per chor viril han els fingià edì, ina versiun per chor maschadà suonda anc. En in proxim pass datti lur er ina survista da las ovras instrumentalas.

RR actualitad 06:00