Siglir tar il cuntegn
cuntegn

Grischun Gidar là, nua ch'igl è necessari

Il Succurs d'enviern grischun ha gidà l'onn da gestiun 2016/2017 en 249 dumondas da sustegn e pajà en tut passa 60'000 francs. Quai èn cumpareglià cun l'onn precedent levamain damain dumondas ed uschia è er la summa pli pitschna.

Purtret d'in uffant che tigna il maun da sia mamma per ir da stgala giu.
Legenda: Il succurs d'enviern s'engascha er per persunas ch'educheschan sulettas. Keystone

Il Succurs d'enviern grischun s'engascha dapi onns per umans che sa chattan en ina situaziun da miseria.«Gia ina pitschna contribuziun finanziala da paucs tschients francs po esser suffizienta per ina famiglia e per ina persuna che viva suletta, per ch'ella possia puspè dumagnar ses mintgadi independentamain e senza quitads finanzials» ha Jürg Buchli, il mainagestiun dal Succurs d'enviern grischun detg a la preschentaziun da las novas cifras.

L'onn da gestiun 2016/2017 ha il succurs survegnì 262 dumondas da sustegn. Paucas dumondas – 14 (5%) – han stuì vegnir refusadas u n'han betg pudì vegnir giuditgadas, perquai che las indicaziuns necessarias mancavan. Circa dus terz da las dumondas da sustegn derivan da famiglias u da persunas ch'educheschan sulettas.

RR actualitad 08:00