Siglir tar il cuntegn

Header

cuntegn

Grischun Furmaziun da pedagogia curativa da scola

La Scola auta da pedagogia dal Grischun po cuntinuar cun la furmaziun da pedagogia curativa da scola. La regenza grischuna ha approvà perquai ina contribuziun da radund 1,5 milliuns francs.

La regenza grischuna ha approvà ina contribuziun da radund 1,5 milliuns francs per cuntinuar cun la scolaziun da pedagogia curativa da scola a la Scola auta da pedagogia dal Grischun (SAPGR). Premess ch’il Cussegl grond accepta la proposta da la regenza, po la scola auta grischuna organisar en collavuraziun cun la Scola auta interchantunala da pedagogia curativa a Turitg (SAPC) danovamain in ciclus da scolaziun en pedagogia curativa da scola.

Cun questa incumbensa vegn manada vinavant la purschida da furmaziun gia existenta a partir da l’atun 2018 ed opziunalmain a partir da l’atun 2020. Per pudair scolar er persunas d’instrucziun dal Grischun talian duai la SAPGR ultra da quai era realisar moduls da scolaziun correspundents en collavuraziun cun la Scuola universitaria professionale della Svizzera italiana/Dipartimento formazione e apprendimento (SUPSI/DFA).

RR novitads 12:00

Artitgels legids il pli savens