Siglir tar il cuntegn

Grischun Fradaglia senza effect per bau scorsa

Las temperaturas fitg fraidas da quest favrer n’han nagin effect sin la populaziun dal bau scorsa.

Il bau-scorsa charezza pigns ch'èn flaivels entras mal'aura u sitgira.
Legenda: Il bau-scorsa charezza pigns ch'èn flaivels entras mal'aura u sitgira. Dreamstime

Sco quai che Urban Maissen, il substitut dal selvicultur chantunal ha ditg, saja il bau-scorsa il mument en sia sien d’enviern. E retschertgas mussian ch’i dovria periodas da fradaglia bler pli lungas, per avair in effect sin la populaziun dal bau scorsa.

Bler pli impurtant saja sch’igl haja blera laina ch’è derschida durant l’enviern, nua ch’il bau scorsa po sa chasar. L’enviern passà na saja dentant betg da quintar cun fitg bleras plantas derschidas, cun quai ch’il terren saja stà schelà ed uschia sajan las ragischs stadas fermadas bain en il terren.

RR actualitad 11:00