Cun il simposi organisà dal chantun Grischun èn ils diesch stadis federativs, provinzas, regiuns e chantuns dals pajais Austria, Germania, Italia e Svizra (ARGE ALP) sa fatschentads cun la dumonda da la forza idraulica alpina. Concret: Sche quella è il motor economic u in model antiquà.
Cifras cotschnas
La forza idraulica en mintga cas scriva cifras cotschnas – la producziun è pli chara ch'il gudogn. Tiers vegn che ovras da charvun ni indrizs da fotovoltaica vegnan per exempel en Germania subvenziunads pli ferm, uschia che las cundiziuns sin la fiera n'èn betg las medemas per tuts.
Dapli collavuraziun
Per tut ils represchentants dal podi è ina pli stretga collavuraziun entaifer la ARGE ALP impurtanta. La forza idraulica sco funtauna d'energia schubra duai survegnir l'impurtanza duaivla ch'ella merita. Richard Theiner, vice-guvernatur da la provinza autonoma Bulsaun-Tirol dal sid ha per exempel ditg che la forza idraulica duess betg vegnir vendida sut il pretsch da fiera, e surtut duessan concerns esters betg pudair cumandar. La populaziun al lieu duai decider da la resursa limitada «cuntrada».
RR actualitad 07:00