Siglir tar il cuntegn
cuntegn

Grischun Festivals da schlaghers en trend

La sonda passada ha gì lieu il festival da schlagher «Schnulz im Sulz» en il territori da skis a Laax. Il festival ha carmalà var 3’500 persunas.

Legenda: Guardar il video Schlagher - garant per success?. Durada 01:01 minutas.
Or da Nouvo RTR dals 03.04.2017.

Avant 10 onns han 26’000 persunas visità festivals en il chantun Grischun ed il 2016 eran quai gia 41’000. In grond augment. Ins sto dentant relativar questa cifra. Oz datti natiralmain era dapli festivals da schlagher ch’avant 10 onns. Lura hai dà be trais festivals: Schnulz im Sulz a Laax, Schlagerparada a Cuira e Prätti-Ziller a Seewis en il Partenz.

Oz datti plirs festivas ch'èn repartids en il Grischun

  • Schlagerparade a Cuira (1997) - record 2011 cun 30’000 visitaders
  • Schnulz im Sulz a Laax (2001) - adina ca. 3500 visitaders
  • Prätti-Ziller a Seewis en il Partenz (2004) - adina ca. 3500 visitaders
  • Gatschiefer-Openair a Claustra (2008) - record 2016 cun 5000 visitaders
  • Viamala Schlagernacht a Cazas (2009) - adina ca. 1500 visitaders
  • Schlagertage a Sedrun (2016) - ca. 3'500 visitaders
  • Engadin Schlager- und Volksmusik Openair a Zernez (2017)
  • Der Berg Bebt a Flem (2017)

Questas cifras mussan, che festivals da schlaghers èn trend. Sin quests festivals sunan pli u main adina las medemas bands. Cun il temp haja la glieud udì tut quellas bands ed ils organisaturs èn da l’avis che quai trend pudess bainprest esser a fin.

RR actualitad 11:00