Siglir tar il cuntegn

Header

cuntegn

Grischun Er Svizra franzosa vul gieus olimpics d'enviern 2026

Nova concurrenza per il Grischun: Represchentants da l'economia dals chantuns Vallais e Vad vulan unir ils projects existents per ils gieus olimpics d'enviern 2026 ed organisar l'occurenza prestigiusa en la Svizra franzosa. A Losanna è vegnida annunziada ina candidatura communabla dals dus chantuns.

L’advocat vadais Jean-Philippe Rochat ha annunzia da vulair unir ils projects da fin qua dals chantuns Vallais e Vad. Sa participar a la candidatura duain dentant tut ils chantuns da la Svizra franzosa; da Genevra, Friburg, Neuschatel sur il Giura fin a Berna.

In skiunz a Verbier.
Legenda: La culissa fiss senz'auter bella: In skiunz a Verbier. Keystone

S'unir per auzar las schanzas

Il project vallesan era vegnì lantschà dal president dal club da ballape da Sion, Christian Constantin. Al project vadais aveva la chombra da commerzi dà l’impuls inizial. La candidatura porta il titel «The Swiss Made Winter Games 2026» (Ils gieus d’enviern fatgs en Svizra).

Interess als gieus olimpics d'enviern han era anc auters chantuns, tranter auter il Grischun. Enfin la fin dal mais da matg ston ils interessents inoltrar lur intenziun al Comité olimpic svizzer. Il Comité olimpic internaziunal decida lura il fanadur 2019 a tgi ch'ils gieus vegnan surdads.

RR novitads 10:00

Artitgels legids il pli savens