Tenor las datas da «Meteo Schweiz» saja l’enviern passà stà il segund pli chaud dapi l'entschatta da la mesiraziun l'onn 1864. Durant il november ed avant Nadal saja l’enviern tenor l’Institut federal per la perscrutaziun da naiv e lavinas (SLF) stà empermettent. Tenor Jürg Trachsel da l'institut haja lura dà en l'onn nov pliras periodas cun temperaturas chaudas. Perquai hai per part be pluvì e betg navì.
Pli paucas unfrendas da lavinas
Tut en tut haja dà 112 lavinas ch’han chaschunà donns da material u persunas. Be 5 persunas sajan daventadas unfrendas da lavina. Quai saja tenor il SLF la pli pitschna cifra dapi 60 onns. In motiv per la cifra bassa saja tranter auter la buna stabilitad da la cuverta da naiv.
