Siglir tar il cuntegn
Inhalt

Engiadina Zuoz ha abolì la quota d’esters

Cun l’aboliziun da la quota d’esters vul la vischnanca oravant tut pussibilitar meglras cundiziuns per la vendita d’abitaziuns che vegnan actualmain construidas a Zuoz.

Il vitg da Zuoz
Legenda: Il vitg da Zuoz mad

L’interess per abitaziuns secundaras è marcantamain sa diminuida ils davos onns. La crisa da finanzas, il ferm franc svizzer ed oravant tut la lescha da segundas abitaziuns èn ils motivs per quest svilup.

Da 30% sin 100%

Fin oz aveva il vitg da Zuoz ina quota da 30%. Cun augmentar sin 100% ed uschia abolir questa restricziun pussibiliteschan las votantas ed ils votants da Zuoz meglras cundiziuns da vendita per abitaziuns ch’èn actualmain en construcziun a Zuoz.

600’000 francs per la fibra da vaider

Dal 2017 è vegnida realisada l’emprima etappa en il center dal vitg. Cun quest’investiziun da 600’000 francs fiss alura l’entir vitg preparà per in attatg vi da la rait da fibra optica. Exclus dal project è unicamain la zona Surmulins/Frunts.

RR novitads 12:00