Siglir tar il cuntegn

Header

video
Per il cussegl communal è la chaussa clera
Or da RTR dals 17.08.2016.
laschar ir. Durada: 1 minuta 5 Secundas.
cuntegn

Engiadina Zuoz Curtinellas bainbaud collià cun rait da chalur a distanza?

Refar il stgaudament da stalizzas existent ubain colliar la zona da masteranza «Curtinellas» cun la rait da chalur a distanza da la firma Salzgeber a S-chanf? Quai è in dals temas a la proxima radunanza communala a Zuoz.

Il stgaudament da stalizzas communal che furnescha energia ad ina gronda part dals edifizis en la zona da masteranza «Curtinellas» a Zuoz è vegl e stuess perquai vegnir remplazzà. Gia dapi 2 onns è il cussegl communal vidlonder da chattar ina soluziun en chaussa.

En connex cun il project dal Lyceum Alpinum da stgaudar il nov edifizi «Urezza» cun chalur da distanza da la firma Salzgeber a S-chanf, ha il cussegl communal examinà la pussaivladad da colliar la zona da masteranza cun la medema rait. Ils custs èn budgetads cun 670’000 francs, bunamain identic ad ina renovaziun dal stgaudament da stalizzas existent.

Artitgels legids il pli savens