Siglir tar il cuntegn

Engiadina Zernez: Suprastanza propona collavuraziun cun Engiadina Scuol

Ils responsabels da las duas destinaziuns Engiadina San Murezzan ed Engiadina Scuol Samignun Val Müstair han preschentà lur ideas e strategias. Silsuenter è la suprastanza communala sa decidida per l'Engiadina Bassa.

Actualmain collavuran las fracziuns Brail e Zernez cun la destinaziun Engiadina San Murezzan, las fracziuns Susch e Lavin percunter cun l’Engiadina Scuol Samignun Val Müstair. Era suenter la fusiun da questas quatter fracziuns è quai restà uschia. A partir dal 1. da schaner 2019 duess la vischnanca da Zernez collavurar unicamain cun ina destinaziun.

Radund 100 persunas han tadlà ils arguments, las analisas e las strategias dal directur Gerhard Walter da la destinaziun Engiadina San Murezzan e da la directura Martina Stadler da la destinaziun Engiadina Scuol Samignun Val Müstair. Suenter las preschentaziuns ha la suprastanza preschentà lur idea.

Las finanzas sco argument principal

Ulteriurs arguments per la decisiun da la suprastanza èn stads che Zernez tutga tar la regiun dal Parc Naziunal e che la destinaziun Engiadina Samignun Val Müstair porscha in sez en il cussegl administrativ da la societad.

La populaziun ha ussa radund dus mais temp da prender posiziun. Ils 25 d'avrigl ha lieu la radunanza communala che decida definitivamain per «amunt u aval».

Legende: Video Zernez - Tranter sutgas e banchins abspielen. Laufzeit 1:37 Minuten.
Or da Nouvo RTR dals 19.02.2018.

RR novitads 06:00